Number of posts : 62 Age : 34 Location : eGYPT Registration date : 2007-08-10
Subject: your problems @ W.C Mon Aug 20, 2007 5:35 pm
بمناسبه بقى كده اننا كبرنا و هنروح الجامعه جبت لكو موضوع مفاجاه بكل المقاييس
طبعا عمركو مافكرتو يا ترى باب الحمام مكتوب عليه ايه!!!!!!!!! طبعا سؤال غريب بس شوفو الصورة دى
بصو نص اللى مكتوب فى الصورة: أنا مخطوبة لزميل لي في الجامعة، وهو بيحبني جدا وأنا كمان لكن هو بدأ يشك فيا علي الرغم من أنني محترمة جدا، وأحيانا يهينني بالشتيمة أو الضرب، حيث أننا عصبيين جدا".
"فكلمة منه علي كلمة مني تبقى حريقه وبعد كده بيطلب مني أسامحه ويصالحني ويوعدني بأنه سوف يبطل غيره وشك وبالفعل بيتغير لكن مش أوي، كل يوم يقول لي أنتِ بتبصي علي الواد ده والواد ده وأنا مش بابص على حد خالص فماذا أفعل معه؟ هل أظل في محاولة لتغييره أم ماذا أفعل بعد خطوبة عام ونصف أفيدوني؟".
"علي العلم أنني عايشه في بيت أبويه عيشه ما يعلم بيها إلا ربنا، حيث أن لي أم تعاملني معاملة مرات الأب وهذا منذ صغري، غير اخواتي خالص". شيء لن تتوقعه.. كل ما مضى لم ترسله هذه الحائرة لبريد الجمعة أو تخاطب به أسامة منير أو حتى صديقتها ولا على الهرم زى ما نقرا بحبك يا حماده على الهرم الكبير و هو يرد بحبك يا منى على الهرم الصغنن و بتاع بل أنها كتبته علي باب حمام الجامعة، فأنت لا تكاد تغلق الباب حتى يواجهك فيض من الأسئلة العاطفية والاجتماعية وأيضا (.....).. فتاة مختلفة مع خطيبها وأخرى تشكي قسوة أم حبيبها التي لم توافق علي زواجهما وأخرى تسأل عن الزواج من شخص من جنسية أخرى وغيرها وغيرها
و اللى يغيظ بقى ان فى ناس بترد طب سؤال بقى هى تمشى بنصيحه زى دى ازاى و شوفو الرد بقى فنانه اللى ردت
وكمان اختلفت الاراء من بين ان مسئوليه الامن انه يشيل الكلام ده او ان البنات بتقول كده من الفراغ او انهم مش لاقيين اللى يسالوه فانا قلت بقى نكتب على باب الحمام اسأل....استشير بالمرة بقى
شباب انا عرفت ان حمامات الولاد بقى مختلفه يعنى تروح تهيس هناك نظام انه قلب و سهمين و كام حرف و شله العفاريت ده انقرض دلوقتى بقى فيه مشاكل و شتايم انت و حظك بقى ده غير اللى بيقول يا قلبى يا كتاكت ياما انت شايل وساكت
عموما مش عايزين نتصدم من الجامعه بس واضح انها مش جنينه و اتنين بيحبو بعض و السلمتين اللى الناس قاعدين عليهم الموضوع كده بقى تقديم ورق و دراسه صعبه و حاجات كتير فكرو بقى لو لقيت اسم صحبك هتعمل ايه هل هتضطر تجامله ولا تعمل عبده العبيط؟؟؟؟؟؟
عموما مش انا اللى جبت الصور ده اكيد انها بنت و اخيرا ده مش ص.ب , 508 برنامج بين الناس وايريال هيحل مشكلتك... ايرياااااااال ايرياااااااااااااال هو هو دخلنا جوا كل بيت وكل حارة وكل حمام وعرفنا مشكلاتكم وايريال جه مصرعشان هيحلهالكو
Home 
.gif)
